Канон преподобному Паисию Великому

Краегранесие без Богородичных: Пою подвиги Паисия Великаго.

Глас 4-й Песнь 1

Ирмос: Отверзу уста моя, и наполнятся Духа, и слово отрыгну Царице Матери и явлюся светло торжествуя, и воспою, радуяся, Тоя чудеси.
Припев: Преподобие отче Паисие, моли Бога о нас.
 Приидите, воспоим вси богомудраго Паисия, отцев верховника, преподобных красоту, постников основание, покаяния проповедника и душам нашим заступника и хранителя необорима, и всех верных утверждение.
 От благаго корене добр плод познался еси, блаженне, от христолюбивых родителей прозябл еси Божественная ветвь, носящая красныя плоды добродетелей, имиже верных сердца благоухал еси и пети научил еси Божия чудеса.
Слава: Юну ти сущу отроку и осиротевшу от отца, мата твоя, блаженне, оружием печали прободашеся; абие же Ангел Господень во сне предста ей и сетование разреши и тебе, яко священное приношеие, дата Богу благовеста, купно же и научи пети Божия чудеса.
И ныне: Юно Отроча раждается нам из Девы Матере, Адама древнейшее, Бог сый превечный и Содетель всяческих. Восхотев вообразитися в чуждее, мир от тли избави, и собор постников совокупи Небесным Силам, и пети научи всех Божественная Его чудеса.

Песнь 3

Ирмос: Твоя песнословцы, Богородице, живый и независтный источниче, лик себе совокупльшия, духовно утверди, в Божественней Твоей славе венцев славы сподоби.
 Познан был еси от пелен, освящен Богу, Паисие преподобие, и, взем твой крест, к Нему потекл еси тепле жительством непорочным и воздержанием, и жития светлостию. Сего ради вселился еси во обители небесныя, помяни убо и нас, тя поминающих и поющих: венцев славы сподоби.
 Отечество твое, славне, Египет просветися честным Рождеством твоим, Нитрийская гора освятися славным житием твоим, вся же вселенная, чудящися, хвалит пачеестественныя подвиги твоя, вси же тя купно молитвенника ко Христу предлагаем, блаженне Паисие.
 Слава: Дивно показал еси твое пощение, Паисие, единощи в седмице ядый, сим тело твое смиряя и помыслы души укрощая; к сему же и нищету самовольную Христа ради стяжав, от всех житейских свободен пребыл еси, добродетельми же обогатился еси. Темже и нас, обнищавших добрыми делы, молитвами твоими обогати и венцев славы сподоби.
И ныне: Дивная величия на Тебе Господь сотвори, Дево Чистая. Сего ради поем Твое Рождество и славим из Тебе Рожденнаго яко Бога же и человека, Егоже моли прилежно с преподобными отцы и со всеми святыми помиловати души наша.
Седален, глас 8-й

 Красоты мирския измлада, преподобие, возненавидев, единаго Христа от сердца возлюбил еси и, Тому всею душею прилепився, яко безплотен на земли пожил еси с плотию, славу же мимотекущую и богатство ни во чтоже вменив, Небесное богатство восприял еси и славу вечную. Темже и ублажаем святое твое успение и, сие торжествующе, вопием ти: богоблаженне отче наш Паисие, моли Христа Бога согрешений оставление даровати чтущим любовию святую память твою.

Слава, и ныне, Богородичен:

 Яко Деву и едину в женах, Тя, без семене рождшую Бога плотию, вси ублажаем, роди человечестии: огнь бо вселися в Тя Божества и яко младенца доиши Зиждителя и Господа. Темже, ангельский и человеческий род, достоино славим пресвятое Рождество Твое и согласно вопием Ти: моли Христа Бога согрешений оставление даровати покланяющимся верою пресвятому Рождеству Твоему
Песнь 4
Ирмос: Седяй в славе на Престоле Божества во облаце легце, прииде Иисус Пребожественный нетленною дланию и спасе зовущия: слава, Христе, силе Твоей.
 В крепости своей враг преветхий, твоея души не могий крепости поколебати, ухищряет любоимением тебе уловити: абие является христолюбивому князю во образе ангела прелукавый, множество злата и сребра тебе дати повелеваяй. Ты же, сие отринув, врага посрамил еси, присно поя: слава, Христе, силе Твоей.
 И яко побежден бысть враг и к тому уже не могий приближитися к тебе, обаче, яко лев сый, рыкаяй и иский кого поглотити, похити два твоя ученика во иудейское нечестие: оваго убо, яко проста, словом улови: ещё не приити Мессии Христу; оваго же, увы, и обрезатися, и единомудрствовати со иудеи сотвори сквернавыя ради жены, неведущия пети: слава, Христе, силе Твоей.
Слава: Господа Бога милосердию подражая, преподобие, пришедшаго в мир грешныя спасти, прилежно взыскавый агнцы твоя и обретый, абие исхитил еси я от пагубнаго волка и Христову стаду сочетал еси, всем подая образ покаяния и всем повелевая присно пети: слава, Христе, силе Твоей.
И ныне: Господородительнице, Госпоже Царице, благаго Бога рождши и Сама благая сущи, Ты мне предстани в час смертный и избави мя от руки бесовския и от горьких мытарств, и всякаго инаго мучения и сподоби мя одесную стати Сына Твоего, со всеми избранными Его, в день Судный, молитвами Твоими, чистая.

Песнь 5

Ирмос: Ужасошася всяческая о Божественней славе Твоей: Ты бо, неискусобрачная Дево, имела еси во утробе над всеми Бога и родила еси безлетнаго Сына, всем воспевающим Тя мир подавающая.
 Имея наставляющую тя Божия Духа силу, в непроходимой пустыни живый, скача, якоже елень, по горам, желал еси, отче, райския доброты. Сего ради не дал еси сна твоима очима, блаженне Паисие, ни веждома дремания, дондеже сподобился еси праведных селения, еже уготова Бог любящим Его.
 Постом предочистився и ума чистотою просветився, восхищен был еси в рай, узрел еси селения праведных и обители святых и пищи небесныя вкусил еси. Темже и нам, славящим память твою, причастником быти оныя молися.
 Слава: Ангелов множество видено бысть, сохраняющих ученики твоя, иже, тобою наставляеми, ангельское на земли подражаху житие и попираху силу вражию, с нимиже ныне почивая во Царствии Небеснем, блаженне Паисие, молися Христу спастися душам нашим.
 И ныне: Ангелов святейшая войстину явилася еси, Владычице, яко на Негоже они зрети не могут, Ты Сего родила еси и яко младенца на руку Твоею носила еси. Темже моли Его, яко Сына Твоего и Бога нашего, о чтущих Тя присно, с Паисием блаженным.
Песнь 6

Ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.
 Иже во отцех великий Ефрем, слышав Божественный свыше глас, поведающ преславная о тебе, блаженне, абие вожделе видети тя. Скоро убо потече ко Египту и, яко прииде и обрете тя, вельми удивися Божественней твоей светлости и Духа благодати, темже благодаряше и славяше Бога, купно же и моляшеся с тобою о душах наших.
 Смирен, незлобив, прост, кроток и молчалив был еси, отче, паче человека воистинну. Сего ради кроткому пастырю, Христу, яко овча незлобиво, усердно последовал еси и, яко Ангел, Тому послужив, ныне со Ангелы веселишися на земли кротких. Поминай нас, чтущих тя, Паисие блаженне.
 Слава: Иисуса сладкаго желая присно насыщатися красныя доброты, в горах и в пещерах заключился еси, во многих подвизех и нищете живый. Прииде же яве к тебе Господь и умалена тя зело возвеличи, и, обнищавша вольне Его ради, вельми тя обогати Небесным Царством, идеже ныне с Ним царствуеши. Молися прилежно и нам в Царствие Небесное внити.
И ныне: Иисуса сладкаго рождшая, Отроковице Богородительнице, Иисуса Всещедраго и Человеколюбиваго, Иисуса Единаго благоутробнаго, Того моли, Владычице мира, с постники и преподобными, помиловати души наша.
Кондак, глас 8-й
 От млада званию Господа твоего последовал еси усердно, блаженне, вся, яже в мире красная, Его ради оставив. Крест твой на рамена взем, вселился еси в пустыню и, тамо ангельски пожив, тело твоё постом и молитвами изнурил еси, и многим путь был еси ко спасению, вся возводя к Божественней высоте, Паисие преподобие, отцев и постников твердое основание.

Икос

Приидите, богоизбраннии монашествующих собори, похвалим ныне и песньми почтам священную память пречуднаго отца, блаженнаго Паисия, взывающе ему таковая: радуйся, боголюбивых родителей рождение; радуйся, от самых пелен священное Богу приношение. Радуйся, яко мира сего вся красная оставил еси; радуйся, яко к жестокому житию себе направил еси. Радуйся, яко вся уметы быта вменил еси; радуйся, яко единаго токмо Христа возлюбил еси. Радуйся, вся сети вражия до конца разрушивый; радуйся, терпением подвигов твоих Ангелы удививый. Радуйся, яко тело твое постом и бдением удручил еси; радуйся, яко душу твою молитвою и ума чистотою просветил еси. Радуйся, безмолвия и пустыни любителю; радуйся, постников и монахов богомудрый учителю. Радуйся, Паисие преподобие, отцев и постников твердое основание.

Песнь 7
Ирмос: Не послужиша твари богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.
 Язык человечь не может изрещи подвиги твоя, блаженне, паче бо естества подвизался еси, многажды и надолзе без пищи пребывая. Сего ради, яко великое солнце, просиял еси во вся мира концы и ныне, со Ангелы ликуя на Небесех, поминай нас, чтущих пречестную память твою.
 Велик постник воистинну показался еси, преподобие: алчбою бо и жаждою томил еси плоть твою, желая насладитися Небеснаго Хлеба, Христа, егоже ныне, отче Паисие,насыщался, и нам причастником быти онаго молися.

Слава: Единицу Трисвятую песнословил еси, Отца и Сына и Духа Всесвятаго, Троицу Нераздельную, от Неяже действо чудес приял еси, еже исцеляти недуги различныя и прогоняти духи лукавыя, темже память твою почитаем, досточудне.

И ныне: Единаго от Троицы Христа родила еси нам, Всесвятая Дево Богородительнице, и Того млеком питала еси, всем пищу дающаго, и на руку Твоею носила еси вся носящаго и на святых и преподобных почивающаго, и вся Тебе ради, Чистая, освящающаго.

Песнь 8
Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.
 Люди, неведущия Святыя Троицы, научаемы же от некоего старца почитати двоицу, ты, блаженне, воображением кошниц с тремя ушесы научил еси таинству Святыя Троицы, сказуя и ясно проповедуя всем, яко един Бог в триех Лицах нераздельно славится во веки.
 Иже монахом был еси наставник и пастырь овцам на пажити Божия слова, сугубу благодать от Господа приял еси, Паисие, и венцы нетленны и вечную радость; и ныне, ликуя, в веселии поеши Господа во вся веки.
Слава: Кто изречет подвиги твоя, о всеблаженне Паисие! Ты бо, якоже безплотен, пожил еси на земли и ныне прешел еси к Небесным во гласе радования, к Трисолнечному Свету, идеже во Отце зриши Сына и Духа Всесвятаго, Троицу во Единице, Ейже, покланяющеся, вси поём во вся веки.

И ныне: Кто изречет на Тебе бывшее страшное таинство, о Богородительнице! Ты бо едина явилася еси во всех родех Дева и Мати, Бога Слова рождши, девствуеши паки. Темже вси преподобнии к Тебе прибегают и, девство держаще, от Тебе, Владычице, усыновления чают.

Песнь 9
Ирмос: Всяк земнородный да взыграется, Духом просвещаем, да торжествует же безплотных умов естество, почитающее священное торжество Богоматере, и да вопиет: радуйся, всеблаженная Богорбдице, Чистая Приснодево.
 Ангельскому житию поревновал еси, всеблаженне: равноангельно в Нитрийстей горе пожил еси и Святей Троице в конец угодил еси. Тем и равноангельну почесть от Бога сподобился еси прияти: ныне со апостолы, мученики, преподобными и со всеми праведными ликуя, поминай нас, чтущих пречестную память твою.
 Горы и холми да взыграют, и все множество монашествующих да восплещет днесь, яко наста нам светоносный твой праздник, всеблаженне Паисие, исполнь радости и веселия духовнаго, исполнь благоухания и просвещения. И ныне, имуще тя пощения правило и законоположника, радуемся.

Слава: От раб недостойных приими хвалу, преподобие Паисие, и жития сего непостоянную пучину даруй нам немятежно прейти, и молитву о нас к Богу сотвори, честно почитающих твою память, и одержащих и ждущих нас зол избави, да во веки тебе величаем.
И ныне: Окрест Тебе предстоят преподобных лики, Пресвятая Богородице, яко сынове дне, от Тебе, истинныя Матере Света, усыновлении, Твоею славою красящеся, хвалят Тя немолчными гласы. Ихже молитвами и угодника Твоего Паисия, помилуй нас, недостойных раб Твоих, и от всех злых свободи, и Царствия Небеснаго сподоби, да во веки Тебе величаем, Чистая.

Канон святому мученику Вонифатию

Краегранесие(стих, составляемый первыми буквами тропарей канона.) Верне тя пою, мучениче пресветле.

Глас 4-й
Песнь 1

Ирмос: Тристаты крепкия, / Рождейся от Девы, / безстрастия во глубине души тричастное потопи, молюся, / да Тебе, яко в тимпане, / во умерщвлении телесе / победное воспою пение.

Припев: Святый мучениче Вонифатие, моли Бога о нас.

 Усердным помыслом подвигом ревновав доблих страдальцев, / пострадал еси крепко и змия умертвил еси страдании твоими живоносными, / страдальче Вонифатие, святых Ангелов собеседниче.

 Видев на земли вражию лесть, излиянну люте, доблии страдальче, / душу распалив желанием Божественнейшим, / вшел еси в тризнище небоязненным, треблаженне, мудрованием.

 Слава: Мудростию Божественною просвещаемый, блаженне, / немудрыя враги объюродил еси, Христа возвещая, / дебельством плоти уподобльшася, имже явитися восхоте,/ Вонифатие, мучениче многостраданьне.

И ныне: Гору Божию, юже провиде Даниил, / скинию мысленную, Марию Чистую, славы священие, / трапезу, Божественный хлеб вмещшую, / вси вернии единомудренно воспоим.

Песнь 3

Ирмос: Яко неплоды роди от язык Церковь, / и многое в чадех изнеможе сонмище, / чудному Богу нашему возопиим: / свят еси, Господи.
 Якоже возжелел еси, славне, свободу вышнюю, / от ига работы избавляешися, / страстем честным поревновав, славне, / Иже за милосердие раба бывшаго.
 Плотских высший явлься мудрований изменением Божественным, / внезапу всяк прилог лютых претерпел еси, радуяся, / мучениче Вонифатие.

Слава: Тебе самаго отверглся еси / и к подвигом и борением врага изшел еси, / Креста оружием укрепився, / и, победитель быв, / прославился еси, мучениче Вонифатие.

И ныне: Себе Самаго истощи, / Отеческих не истощив во чреве Твоем недр, пресущный Бог / и Твой Сын бысть, Всенепорочная, / спасая человечество.

Кондак, глас 4-й

Подобен: Вознесыйся:
 Изыде к приятию страстотерпческих мощей и, страждущих законне веры ради зрети, / показал еси мужески крепость свою, / устремився на страсти исповеданием Христовым. / Иже прием почесть победы твоего страдания, / Вонифатие, присно моли за ны.

Седален, глас 4-й

Подобен: Вознесыйся:
 К сословию послан мучеников, мученик был еси истинен, / пострадав за Христа крепчайше, всехвальне; / бремя же, блаженне, отдался еси верою пославшей тя, Вонифатие блаженне; но прилежно моли прияти всем согрешений совершенное прощение.

Слава, и ныне, Богородичен:
 Грехолюбив сый, молю Тя, безгрешнаго Бога рождшую, / вземлющаго грехи мира, Пречистая, / многогрешную душу мою ущедрити / и грехи моя многая очистити: / грешным бо Ты еси очищение и спасение верным, и заступление.

Песнь 4

Ирмос: Любве ради, Щедре, Твоего образа / на Кресте Твоем стал еси, / и растаяшася языцы: / Ты бо еси, Человеколюбче, / крепость моя и хваление.
 Ублажая страждущих терпение, / подобием, мучениче, честных страданий / сим уподобился еси, богомудре пребогате.
 Идый верою к мучеников Божественному сословию, блаженне, / тебе самаго желающей бремя досточудное, богомудре, отдал еси.

Слава: Очищен, якоже злато, мучениче, язв горнилом,/ чистейший явился еси, / нося Зиждителя страстей изображение.
И ныне: Девство по рождестве запечатанно познавающи, Отроковице, / несказанно рожденнаго Слова из боку Твоею верно величала еси.

Песнь 5

Ирмос: Просвещение Твое, Господи, низпосли нам / и от мглы прегрешений разреши ны, Блаже, / Твой мир даруяй.
 Яко светозарная возшел еси звезда от запад / и зашёл еси, мучениче, страданьми терпеливно, / абие к западом возсиял еси, озаряя концы.
 Мученически подвизался еси, / ногтей терзания, острыми, мучениче, тростьми сбодаем, / и лукаваго жала верно притупляя благодатию.

Слава: Вражия изнемогоша, богомудре, на тя коварствия, / ибо к Богу воззрением неуклонным / плотския раны, якоже безплотен, терпел еси.

И ныне: Скверны всякия омый, Дево, душу мою, вопию Ти, / и спаси мя, Чистая, / Яже истиннаго Бога Спаса на земли воплощшая.
Песнь 6

Ирмос: Возопи, прообразуя погребение тридневное, / пророк Иона, в ките моляся: / от тли избави мя, Иисусе, Царю Сил.
 Биемый, ранами плотскими уязвил еси безбожныя, / неисцельно недугующия неведением, / и болящим явился еси врач, страдальче Вонифатие.
 Возвышаем к Богу, блаженне, прилогом подвигов, / враги невидимыя разразил еси / и низриновенным помощник, страстотерпче, был еси.

Слава: Влачим по земли, якоже камень многоценен, страдальче, / прелести низложил еси утверждение, / верных же сердца наипаче верою утвердил еси.

И ныне: Купина Тя проображаше, Всенепорочцая, первее, / горящи и никакоже опаляема, Пречистая, / ибо, якоже она, не опалилася еси, Бога воплощши.

Кондак, глас 4-й

Подобен: Явился еси:
 Священие непорочное самовольне тебе привел еси, Иже от Девы тебе ради родитися хотящему, / святе венченосче премудре Вонифатие.
Песнь 7

Ирмос: Авраамстии иногда в Вавилоне отроцы / пещный пламень попраша, / песньми взывающе: / отцев наших Боже, благословен еси.
 Колен не преклонив истуканным, / во искушение верглся еси величайшее, истинно, мучениче, в пещь, / в нейже орошаемый, благодарствовал еси Христу во веки.

 Разорити крепость твоего исповедания тщася, / льстивомудренный во внутренняя твоя клокочущее олово немилостивно вливает, / но яве посрамися.

Слава: Посечен быв усердно в честную твою главу, / врага льстиваго многокозненную главу отсекл еси твоего мужества мечем, / мучениче Христов богомудре.

И ныне: Да гласы подобающими песнословлю Тя, Отроковице, / страстей мя избави молитвами Твоими, / бед же и скорбей и лукавых человек, / озлобити мя ищущих.

Песнь 8

Ирмос: Избавителю всех всесильне, / посреде пламене благочествовавшия, / снизшед, оросил еси / и научил еси пети: / вся дела, благословите, поите Господа.
Полезно твое делая спасение, Христос, Вонифатие, / взыскающа мощей добропобедных мучеников, тя укрепляет, / еже верно взыскал еси сам быти.

 Блаженней госпоже блаженно сокровище подался еси, блаженне, / имже обогатившися, пояше веселым сердцем: / вся дела, благословите, пойте Господа.

 Со тщанием славная жена, воздвигши храм священнейший, / тя в нем положи, сущий Божественныя Троицы храм, / страстотерпче Христов Вонифатие.

Слава: Умертвився за любовь Зиждителя, умерщвляющаго страсти тлетворныя, / оживотвори молитвою твоею ясно вопиющия: / вся дела, благословите, пойте Господа.

И ныне: На Тя, Чистую, Пребожественный низшед, якоже весть, / воплотися и человеки обожи, песнопоющия, Дево: / вся дела, благословите, пойте Господа.

Песнь 9

Ирмос: Ева убо недугом преслушания / клятву вселила есть; / Ты же, Дево Богородице, / прозябением чревоношения мирови благословение процвела еси. / Тем Тя вси величием.
 Видевши тя бремя священное, радовашеся, вопиющи, приснопомнимая: / раба послах тя, блаженне, господина истинна приемлю, / работы мя зол избавляюща твоими благоприятными мольбами.
 Яко крин, во удолиих мысленных процвел еси мучеников, Вонифатие, / якоже финикс, возвысился еси, / яко кедр, познался еси миродыханен, / явился еси избранный, яко кипарис, / благовонствуя души наша.

 Днесь память твоя нам возсия, страстотерпче, / якоже солнце, сиянием Божественных дарований, / просвещающи души поющих тя, страстей же мглу отгоняющи, / мучениче богомудре всеблаженне.

Слава: Яко солнце от запад возсиял еси / и восточнаго града достигл еси, / идеже пострадав и смертию зашед, к жизни востекл еси / и Рим светлый достигл еси, / сего ограждая мольбами твоими.

И ныне: Светом мя озари Твоим, всенепорочная, / во тьме содержимаго греховней, Богородице, / и подаждь во дне ходити Божественных повелений, Богоневесто, / яко да пою Тя, всепетую.
Молитва
 О святый страстотерпче Христов, воине Царя небеснаго, земная сладострастия презревый и к горнему Иерусалиму страданием возшедый, мучениче Вонифатие!
 Услыши мя грешнаго, приносящаго от сердца молебная пения, и умоли Господа нашего Иисуса Христа  простити вся моя согрешения, в ведении и в неведении мною содеянная. Ей, мучениче Христов, образ покаяния собою показавый грешным! Буди ми на злаго сопротивника диавола твоими молитвами к Богу помощник и заступник; много бо поревахся избегнута сетей его лукавых, но удицею греховною уловлен и крепко влачим от него, не могу избавитися, аще не ты предстанеши ми, во обстояниих горькая терпящему; и колико покушахся покаятися, но ложь пред Богом бых. Сего ради к тебе прибегаю и молюся: спаси мя, святче Божий, от всех зол твоим предстательством, благодатию же всесильнаго Бога, в Троице Святей славимаго и покланяемаго, Отца и Сына и Святаго Духа, ныне и присно и во веки веков. Аминь.

Святой мученик Вонифатий

Святому мученику Вонифатию дана благодать ходатайствовать у Господа об избавлении от недуга пианства.
 Он был рабом богатой молодой римлянки Аглаиды и, предаваясь пороку пьянства, состоял с ней в беззаконном сожительстве. Но оба они чувствовали угрызения совести и хотели как-то омыть свой грех. И Господь пожалел их и дал им возможность очистить грехи своей кровью и закончить грешную жизнь покаянием. Аглаида узнала, что если с благоговением хранить в доме мощи святых мучеников, то их молитвами легче получить спасение, ибо под их благодатным воздействием умаляются грехи и воцаряются добродетели. Она снарядила Вонифатия на Восток, где в то время шло жестокое гонение на христиан, и просила привезти мощи какого-либо мученика, чтобы он стал их руководителем и покровителем.
 Приехав в Киликию, в город Тарс, Вонифатий оставил в гостинице своих спутников и пошел на городскую площадь, где мучили христиан. Потрясенный зрелищем страшных пыток, видя просветленные благодатью Господней лица святых мучеников, Вонифатий, по влечению своего сострадательного сердца, бросился к ним, целовал им ноги и просил святых молитв, чтобы и ему удостоиться пострадать с ними. Тогда судья спросил Вонифатия, кто он. Вонифатий ответил: «Я христианин», — а затем отказался принести жертву идолам. Его тут же предали на мучения: били так, что мясо отпадало от костей, вонзали иглы под ногти, наконец влили в горло расплавленное олово, но силой Господней он остался невредим. Окружавшие судилище люди пришли в возмущение, они стали бросать в судью камни, а затем устремились к языческому капищу, чтобы низвергнуть идолов. На следующее утро, когда волнения несколько затихли, судья распорядился бросить святого мученика в котел с кипящей смолой, но и это не причинило страдальцу никакого вреда: его оросил сошедший с небес Ангел, а смола вылилась из котла, вспыхнула и обожгла самих мучителей. Тогда святой Вонифатий был приговорен к усечению мечом. Из раны истекли кровь и молоко; видя такое чудо, около 550 человек уверовали во Христа.
 Между тем спутники святого Вонифатия, напрасно прождав его два дня в гостинице, стали его разыскивать, предполагая, что он предался легкомысленному времяпрепровождению. Сначала поиски были безуспешны, но наконец они встретили человека, бывшего очевидцем мученической смерти святого. Этот свидетель и привел их туда, где еще лежало обезглавленное тело. Спутники святого Вонифатия со слезами просили у него прощения за неподобные мысли о нем и, выкупив за большие деньги останки мученика, привезли их в Рим.
 Накануне их прибытия Аглаиде во сне явился Ангел и велел ей приготовиться принять бывшего раба ее, а теперь господина и покровителя, сослужителя Ангелов. Аглаида призвала клириков, с великим почетом приняла честные мощи, а затем построила на месте его погребения храм во имя святого мученика и положила там мощи, прославившиеся множеством чудес. Раздав нищим все свое имение, она удалилась в монастырь, где провела в покаянии восемнадцать лет и при жизни стяжала чудесный дар изгонять нечистых духов. Похоронили святую близ могилы мученика Вонифатия.

Память его празднуется 19 декабря /1 января нового стиля.

Акафист Пресвятой Богородице перед Ее иконой, именуемой "Всецарица"

Кондак 1
 Новоявленней Твоей иконе предстояще вернии, умильно воспеваем Ти, Всецарице, раби Твой; низпосли цельбы к Тебе притекающим ныне рабом Твоим, да вси радостно зовем Ти: Радуйся, Всецарице, недуги наша благодатию исцеляющая.

Икос 1

 Ангел предстатель, с Небесе сшед, рече Всецарице: радуйся! И боговещанным гласом, воплощаема Тя зря, Господи, возопи к Ней таковая: Радуйся, главизно нашего спасения; радуйся, исполнение Зиждителева смотрения. Радуйся, яко Тобою Бог воплотися; радуйся, яко невидимый в Тебе изобразися. Радуйся, милость мира внутрь приявшая; радуйся, одеяние плоти Слову соткавшая. Радуйся, уму непостижная горняя славо; радуйся, сердца оживившая Небесная манно. Радуйся, звездо, благодати сияние; радуйся, источниче, живыя воды излияние. Радуйся, Богородице, в женах благословенная; радуйся, рождшая Спаса Дево нетленная. Радуйся, Всецарице, недуги наша благодатию исцеляющая.

Кондак 2
 Безначальное Слово Отроча младо Тобою бысть, исцеления подая Тя, Дево, чтущим и неизреченное Его Рождество воспевающим: Аллилуиа.

Икос 2

 Разум недоразумеваемый разумети Дева ищущи, возопи к служащему: яко Отроковица чистая, како буду Вышняго Мати, изъясни. К Нейже Гавриил рече со страхом, зовый таковая: Радуйся, совета Вышняго избраннице; радуйся, гласа молящихся Скоропослушнице. Радуйся, сокровище Христова мира; радуйся, людей Твоих Надеждо и Сило. Радуйся, раковыя язвы дивная губительнице; радуйся, прочих болезней исцелительнице. Радуйся, единое миру заступление; радуйся, верное в скорбех избавление. Радуйся, плач и слёзы присно утоляющая; радуйся, спасения входы всем отверзающая. Радуйся, Скиптре и Державо Афон населяющих; радуйся, жезле монахов и мирян. Радуйся, Всецарице, недуги наша благодатию исцеляющая.

Кондак 3

 Сила Вышняго осенивши Тя, Отроковице, к зачатию неизреченному, показа Тя село сладкое всем, хотящим жати спасение и поющим: Аллилуиа.

Икос 3

 Прославися дивно святая икона Твоя, «Всецарица» именуемая, егда цельбоносно явися Твое, Богомати, изображение; молящимся бо пред нею с верою исцеления подаеши, да умножаются песни сицевыя: Радуйся, Мати незаходимаго Света; радуйся, претерпевших до конца победо. Радуйся, в болезнех и скорбех сущим врачевание; радуйся, сирот и вдовиц нерушимая стено. Радуйся, двери райския отверзающая; радуйся, труждающихся и обремененных заступающая. Радуйся, о спасении верных ходатаице; радуйся, за род человеческий молитвеннице. Радуйся, лествице небесная, возводящая от земли к Небеси; радуйся, водо живая, омывающая смертныя грехи. Радуйся, Агнице, сердца незлобивых хранящая; радуйся, Покрове, чад Церкве осеняющий. Радуйся, Всецарице, недуги наша благодатию исцеляющая.

Кондак 4

 Живот мирови даруя, Владыка мира вселися во утробу Твою неискусомужно и, Матерь верных Тя показав, в мире тех воспевати призва: Аллилуиа.

Икос 4

 Преславная содеяшася о Тебе, граде Божий, исцелением бывающим от святыя иконы Твоея; цельбоносныя струй врачеваний приемлюще, благодарственно, о Всецарице, вопием: Радуйся, снадобие, боль утоляющее; радуйся, прохладо, жар недужных остужающая. Радуйся, прижигающая раковыя язвы, аки пламенем; радуйся, подымающая со одра оставленных врачми. Радуйся, лик Свой пречистый избранным являющая; радуйся, от греховных уз разрешающая. Радуйся, яко Тобою избавление от смерти даровася; радуйся, яко Тобою неисчетный сонм верных оправдася. Радуйся, высото, человеческими помыслы неизследованная; радуйся, глубино, единым Словом изведанная. Радуйся, пророчествие прежде Тебе бывших патриархов; радуйся, Наставнице Тебе молившихся иерархов. Радуйся, Всецарице, недуги наша благодатию исцеляющая.

Кондак 5

 Пречистый храм Спасов познахом Тя, Отроковице; к Тебе припадаем, Чистая, да нас соделаеши храмы Божества, вопиющих Ему: Аллилуиа.

Икос 5

 Видеша чини Ангельстии на руку Твоею создавшаго рукою человеки, и яко Владычицу разумевающе Тя едину, аще и рабою Себе нарекла еси, потщашася песньми послужити Ти, благословенней, сицевыми: Радуйся, Богом поставленная превыше Небесных сил; радуйся, чудесными исцеленьми исполняющая мир. Радуйся, хвалу и славу от небес слышащая; радуйся, благодарение от земли приемлющая. Радуйся, яко семя тли в сердцах потребила еси; радуйся, яко козней диавольских ярем сокрушила еси. Радуйся, юдоль плачевную исполнившая радостию; радуйся, скорби изменяющая в небесную сладость. Радуйся, благоухание Богу приятное; радуйся, кающихся грешников веселие изрядное. Радуйся, броне правды от искушений; радуйся, щите ограждения от вражды и нестроений. Радуйся, Всецарице, недуги наша благодатию исцеляющая.

Кондак 6

 Проповедницы богоглаголивии, Спасовы ученицы, предсташа Ти, Дево, чудно, внегда от земли к Небеси восходила еси, да единым сердцем и усты воспоют Богови: Аллилуиа.

Икос 6

 Возсия дивная благодать от иконы Твоея, Всецарице, егда юноша, ученьми сатанинскими омраченный, пред нею паде и недвижим бысть; паче чаяния же от уз мрачных свобожденный, со страхом и радостию взываше Ти сице: Радуйся, исправление нечестиваго жития; радуйся, утешение страждущих люте. Радуйся, бесовских полчищ от Церкве отгнание; радуйся, мглы греховныя разсеяние. Радуйся, козней невидимых упразднение; радуйся, демонских чар всемощное одоление. Радуйся, светильниче, прельщенных наставляяй; радуйся, облаче, смиренных от зла покрываяй. Радуйся, холме, Небесною манною питающий; радуйся, долино, смирением Христовым насыщающая. Радуйся, каменю Небеснаго Царствия; радуйся, зерцало превечнаго света. Радуйся, Всецарице, недуги наша благодатию исцеляющая.

Кондак 7

 Хотящу Ти дати Себе в снедь верным, благоволил еси от Девы воплотитися, да приемлюще Пречистое Тело и Кровь Твою, познают Тя Бога совершеннаго; темже, дивящеся неизреченней премудрости сей, зовем: Аллилуиа.
Икос 7

 Новое показа таинство явлься Зиждитель, со ученики свершивый тайную Свою вечерю; мы же моляще Всецарицу удостоити нас Божественныя святыни, восписуем Ей сицевая: Радуйся, подательнице Небеснаго Хлеба; радуйся, родительнице вечнаго живота. Радуйся, чаше, Христу приобщающая; радуйся, душу и тело с Богом сочетающая. Радуйся, лжице златая, исполнь Божественных Таин; радуйся, драгий кивоте, вместилище великия святыни. Радуйся, персте, на Святую Евхаристию указуяй; радуйся, трапезо, предлагающая нам пищу святую. Радуйся, достойных причастников одесную поставляющая; радуйся, ревнителей Божественныя литургии от ада избавляющая. Радуйся, приводящая смертных к источнику безсмертия; радуйся, ограждающая чад Своих миром и крепостию. Радуйся, Всецарице, недуги наша благодатию исцеляющая.

Кондак 8

 Странное рождество видевше, житейское всякое отложше попечение, горе имеим сердца; на сие бо Вышний явися, во еже горе привлещи Тому вопиющия: Аллилуиа.

Икос 8

 Неотступно в недрех Отеческих пребывая, Слово неописанное на земли плоть бысть; Бог велий сотвори величие Деве и призре на смирение рабы Своея, слышащия сицевая: Радуйся, невместимаго Бога вместившая; радуйся, надмирнаго Творца миру явившая. Радуйся, яко сокрушися смерти держава; радуйся, яко исцелися Адамова рана. Радуйся, пластырю, струпы душевныя заживляяй; радуйся, елее, язвы телесныя умащаяй. Радуйся, утоление болезней раждающих; радуйся, облегчение мук умирающих. Радуйся, Рождшая Победителя ада; радуйся, притупившая смерти жало. Радуйся, чаяние всеобщаго воскресения; радуйся, православных несомненное спасение. Радуйся, Всецарице, недуги наша благодатию исцеляющая.

Кондак 9

 Всякое естество ангельское и человеческое удивися величию непостижамаго Твоего воплощения, Слове; недоумевающе же о сей велией тайне благочестия, со страхом и трепетом благодарственно зовем Ти: Аллилуиа.

Икос 9

 Многоразличными недуги одержимии, о Всецарице, от святыя иконы Твоей паче чаяния исцеления получают, да приимше верою благодать, велегласно взывают Ти: Радуйся, чад Своих присное сохранение; радуйся, болящих ко здравию преложение. Радуйся, детей недугующих исцеление; радуйся, юных страдальцев Мати. Радуйся, востание на одре болезни поверженных; радуйся, отрадо страхом смертным одержимых. Радуйся, внемлющая человеков рыданием; радуйся, призревающая на наша стенания. Радуйся, болезней земных Небесною радостию растворение; радуйся, люте страждущих пачеестественное терпение. Радуйся, яко уготовляеши плачущим радость; радуйся, яко снабдеваеши кротких крилома молитвы. Радуйся, Всецарице, недуги наша благодатию исцеляющая.
Кондак 10

 Спасти хотя Зиждитель истлевшее грехом человеческое естество, сниде на Тя, яко дождь на руно, и купину Тя соделав неопалимую, Бог сый, бысть человек, да воспеваем Ему: Аллилуиа.

Икос 10

 Стена еси девам, Отроковице Чистая, и всем о чистоте ревнующим; в Тя бо вселися Бог, очищаяй разумная создания Своя, да избывше всякия скверны, предлагаем Ти сицевая: Радуйся, молчания взыскующих собеседнице; радуйся, венче хранящих девство. Радуйся, начало и конец духовнаго совершения; радуйся, хранилище Божественнаго откровения. Радуйся, Троическаго совета таиннице; радуйся, спасения человеков виновнице. Радуйся, вершино, гордым умом неприступная; радуйся, убежище, смирённым сердцам доступное. Радуйся, Чистая, Небесе чистейшая; радуйся, Херувимов и Серафимов честнейшая. Радуйся, обрадованная, яко прияла еси от Архангела радование; радуйся, утешенная, яко руце Твои осязаете воскресшаго Христа. Радуйся, Всецарице, недуги наша благодатию исцеляющая.

Кондак 11

 Пение тщащеся разумное Спасу приносит, недоумением объяты есмы раби Твои, Владычице: кто бо может достойно воспети Бога, Егоже имя яко миро излиянное? Сего ради вопием Ему: Аллилуиа.

Икос 11

Свет велий возсияв во тьме седящим, посети нас, о Дево, восток свыше, Сын и Бог Твой; Тя соделав свещею на свещнице, светоносная чада церковная наказует приносити Ти сицевая: Радуйся, заре умнаго солнца; радуйся, вместилище Божественнаго огня. Радуйся, свете, яко одеяние святых соткала еси; радуйся, свеще, яко тьму бесовскою отгнала еси. Радуйся, косных умов просвещение; радуйся, грешных сердец озарение. Радуйся, деснице, из моря суетствий изводящая; радуйся, луче, путеводящая к Царствию спасающихся. Радуйся, молние,нераскаянных поражающая; радуйся, громе, губителей устрашающий. Радуйся, лукавыя совести просветление; радуйся, умилостивление Божия Суда. Радуйся, Всецарице, недуги наша благодатию исцеляющая.

Кондак 12

 Благодать дати восхотев, завета ветхаго Податель завет новый нам дарова; мы же благодать приимше, не делы закона, но единою верою спасение улучивше, восписуем вси: Аллилуиа.

Икос 12

 Поюще Твое рождество, хвалим Тя вси, скинию Божию истинную, якоже древле Израиль с кимвалы пред сеновной скинией воспеваше, тако и мы ныне усты и сердцы воспеваем Тя сице: Радуйся, песне, воспеваемая горе; радуйся, псалме, слышимый низу. Радуйся, Единому Богу достойно послужившая; радуйся, Божественней Троице смирением угодившая. Радуйся, веки носящаго носившая в Себе; радуйся, престоле содержащаго вселенную в руце. Радуйся, тайно неизреченная веков и времен; радуйся, упование твёрдое народов и племен. Радуйся, сердечное радование иереев благоговейных; радуйся, быстрое слышание молитв церковных и келейных. Радуйся, премудрости доме богозданный; радуйся, милости сосуде, Богом избранный. Радуйся, Всецарице, недуги наша благодатию исцеляющая.

Кондак 13

 О Всецарице Мати, рождшая всех святых святейшее Слово, нынешнее наше приимши. песнопение, от всякия смертныя болезни исцели ны и будущаго избави осуждения вопиющих: Аллилуиа.

(Этот кондак читается трижды, затем 1-й икос и 1-й кондак.)

Молитва первая

О Всеблагая, досточудная Богородице Пантанасса, Всецарице! Несмь достоин да внидеши под кров мой. Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую и не изнеможет у Тебе всяк глагол, о Всецарице! Ты за мя упроси, Ты за мя умоли, да прославляю преславное имя Твое всегда, ныне и в безконечныя веки. Аминь.

Молитва вторая

О Еречистая Богомати Всецарице! Услыши многоболезненное воздыхание наше пред чудотворною иконою Твоею, из удела Афонскаго в Россию принесенною, призри на чад Твоих, неисцельными недуги страждущих, ко святому образу Твоему с верою припадающих. Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною надеждою буди. Тамо, идеже лютыя скорби превозмогают, терпением и ослабою явися. Тамо, идеже мрак отчаяния в души вселися, да возсияет неизреченный свет Божества. Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о Всемилостивая Царице! Ум и руки врачующих нас благослови, да послужат орудием всемощнаго Врача, Христа Спаса нашего. Яко живей Ти сущей с нами, молимся пред иконою Твоею, о Владычице! Прострй руце Твои, исполненныя исцеления и врачбы, радосте скорбящих, в печалех утешение, да чудотворную помощь скоро получивше, прославляем Живоначальную Нераздельную Троицу, Отца и Сына и Святаго Духа во веки веков. Аминь.

Об иконе Божией Матери "Всецарица"

 Чудотворная икона XVII века «Всецарица» находится возле восточной колонны собора Афонской обители Ватопедской. Согласно рассказам старцев обители, первым доказательством, что икона имеет специальное дарование, является следующее событие. Один молодой человек вошел в собор и отправился к иконе. Вдруг лицо Богородицы блеснуло, и какая-то невидимая сила бросила молодого человека на землю. Только он пришел в себя, как сразу отправился исповедоваться отцам со слезами на глазах, что он жил далеко от Бога и занимался магией.
 Чудотворное вмешательство Богородицы убедило молодого человека изменить свою жизнь и стать благочестивым.
 Эта икона имеет свойство исцелять раковые заболевания.

Акафист Пресвятой Богородице ради чудотворной ее иконы "Неупиваемая Чаша"

Кондак 1
 Избранное и дивное избавление нам даровася Твой образ честный, Владычице Богородице. Яко избавльшеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, «Неупиваемою Чашею» нами именуемая, приклонися благоутробно к нашим воздыханием и воплем сердечным, и избавление подаждь страждущим недугом пианства, да с верою воззовём Ти: Радуйся, Владычице, неупиваемая чаше, духовную жажду нашу утоляющая.
Икос 1

 Ангельстии чины и праведников сонмы непрестанно славят Тя, Царицу всех Богородицу, Ходатаицу о многогрешнем роде христианстем, погрязшем в беззакониих и пребывающем во гресех, ибо во утешение и спасение даруеши ему милость Свою чрез многоименныя чудотворныя иконы Твоя, ихже яко звезды небесныя по всей земли нашей зрим, к единому же от сих образу, «Неупиваемая Чаша» именуемому, припадающе, из глубины сердца взываем Ти: Радуйся, неприступнаго Божества селение; радуйся, непрестанное людей удивление. Радуйся, скорбьми грехи наша очищающая; радуйся, печальми наша немощи врачующая. Радуйся, милость Свою чрез чудотворныя иконы Твоя нам свыше посылающая; радуйся, явлением их скорбная сердца наша возвеселяющая. Радуйся, пречудное всех с Богом примирение; радуйся, геенны вечныя избавление. Радуйся, Владычице, неупиваемая чаше, духовную жажду нашу утоляющая.

Кондак 2

 Видящи, Пресвятая Владычице, скорби сердечныя, муки душевныя, искреннее покаяние людей, одержимых губительным недугом пианства, благоволила еси явити богоспасаемому граду Серпухову милость Свою явлением пречуднаго образа Своего «Неупиваемая Чаша», да вси к нему припадающим с верою и сокрушенным сердцем, получивше исцеление от тяжкаго недуга своего, из глубины души вопиют Богу: Аллилуиа.

Икос 2

 Разумев трикратное явление преподобнаго Варлаама и повеление его в путь шествовати в богоспасаемый град Серпухов, человек некий, страстию пианственною одержимый, обрете тамо в монастыре икону Твою святую, «Неупиваемая Чаша» именуемую. Мы же, видяще таковое о нас грешных попечение, со благоговением вопием Ти: Радуйся, чрез благочестивых людей славу чудес Твоих грешником открывающая; радуйся, путеводительнице прозорливая, путь спасения им показующая. Радуйся, всеблагая наша наставнице, любовию Твоею нас привлекающая; радуйся, за вся благодеяния Твоя благодарению нас научающая. Радуйся, скорбь нашу в радость претворяющая; радуйся, несумненною надеждою нас увеселяющая. Радуйся, губительныя страсти наша разрушающая; радуйся, благим намерением способствующая. Радуйся, Владычице, неупиваемая чаше, духовную жажду нашу утоляющая.

Кондак 3

 Сила Вышняго и благодать Владычицы укрепляше некоего человека, страждущаго недугом пианства, егда он, нозе разслабленнеиимый, иде во град Серпухов, повеление Богоматере, чрез преподобнаго Варлаама возвещенное, исполняя. Пришед же во град сей и обрет икону Пречистыя Богоматере, абие исцеле от недуга своего, душевнаго и телеснаго, и из глубины души благодарственно воззва Богу: Аллилуиа.

Икос 3

Имуще источник неоскудеваемый, неупиваемую чашу Небесных дарований, не токмо людие града Серпухова, но и вси православнии Христианы иных градов и весей, притекающии к Твоему пречудному образу, «Неупиваемая Чаша» именуемому, и пред сим получивше исцеление, припадающе, благодарными усты вопиют Ти: Радуйся, купеле,в нейже вся скорби наша погружаются; радуйся, чаше, еюже радость спасения нашего восприемлем. Радуйся, наша немощи душевныя и телесныя врачующая; радуйся, страсти наша силою молитв Твоих укрощающая. Радуйся, коемуждо во всякой потребе просящему полезная дарующая; радуйся, безчисленныя щедроты всем подающая. Радуйся, милости сокровище нам открывающая; радуйся, милосердие к падшим являющая. Радуйся, Владычице, неупиваемая чаше, духовную жажду нашу утоляющая.

Кондак 4

Бурю внутрь имуще помышлений сумнительных, но с искренним покаянием притекающе к Твоему неизреченному милосердию, одержимии пианственною страстию, получают исцеление, и из глубины сердца вопиют рожденному от Тебе Спасителю нашему: Аллилуиа.

Икос 4

Слыша Господь вопли и плач, тяжкия скорби жен, стариц, детей, ихже сродницы обуреваеми суть пианственною страстию, дарова им, Владычице, Твою икону, от неяже вси притекающии обретают утешение и радость духовную, и вопиют Ти со слезами: Радуйся, Агнице, рождшая Агнца, вземлющаго грехи мира; радуйся, чаше, черплющая нам радость от источника безсмертия. Радуйся, скорбных матерей утешение; радуйся, безнадежных надеждо. Радуйся, притекающих к Тебе благодатное охранение; радуйся, скорбящих отрадо и увеселение. Радуйся, волнение страсти пианства утишающая; радуйся, руку помощи Твоей требующим простирающая. Радуйся, Владычице, неупиваемая чаше, духовную жажду нашу утоляющая.

Кондак 5

Боготечную звезду, честную икону Твою показала еси нам, Владычице мира, юже мы зряще и с верою сердечною молящеся Тебе, Богородице, глаголем: исцели пианством и иною болезнию душевною и телесною страждущих, верных же научи воспевати хвалу Богу: Аллилуиа.

Икос 5

Видяще чудеси преславная и знамения пречудная, бываемая не токмо от иконы Твоея, Богомати, во граде Серпухове явленный, но и от всех по подобию сея иконы списанных изображений, припадающе к ним, смиренно вопием Ти: Радуйся, скоропредстательная помощнице усердно к Тебе притекающих; радуйся, благосердная услышательнице молений наших. Радуйся, град Серпухов благословением Твоим осенившая; радуйся, в пределех Московских славу чудес Твоих показавшая. Радуйся, всем требующим сокровище исцелений неоскудное; радуйся, в трезвении благоподвизающихся всемощная покровительнице. Радуйся, ведущим брань противу мира, плоти, диавола и пианства добрая споспешнице; радуйся, в мире благочестно живущих усердная заступнице. Радуйся, Владычице, неупиваемая чаше, духовную жажду нашу утоляющая.
Кондак 6

 Проповедающе чудеса Твоя, Богородительнице, от иконы Твоей, «Неупиваемая Чаша» именуемыя, бываемая, молим Тя, Пречистая, со слезами: избави всех нас от виннаго пристрастия и от падений греховных, научи нас воздержанию, подвизая воспевати Богу: Аллилуиа.
Икос 6

Возсияла еси в светлости Божественныя славы, Дево Богоотроковице, на Младенца, превечнаго Бога, Господа нашего Иисуса Христа зряще, Иже в сосуде, аки в неупиваемой чаше, предстоит, якоже Тя видим, изображенную на иконе Твоей, «Неупиваемая Чаша» таинственно нареченней, от неяже избавление от пианственныя страсти притекающим с верою даруеши, сего ради со слезами приносим Тебе гласы немолчныя сице: Радуйся, яко о Тебе радуется и торжествует ангельский собор и человеческий род; радуйся, яко Твоя слава превосходит похвалы земныя и Небесныя. Радуйся, таинственным изображением Сына в сосуде тайну Божественныя Евхаристии нам открывающая; радуйся, рожденнаго Тобою Агнца, всегда ядомаго и никогдаже иждиваемаго, нам дивно указующая. Радуйся, чашею жизни и безсмертия ко вратом вечныя жизни нас приводящая; радуйся, источником нетления и радости жаждущия души напаяющая. Радуйся, неисчетною благостию не оставляющая самых презренных и отверженных; радуйся, от рова погибели милосердием Твоим исхищающая безнадежных. Радуйся, Владычице, неупиваемая чаше, духовную жажду нашу утоляющая.

Кондак 7

 Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуиа.

Икос 7

 Новое чудо видим, Владычице, от иконы Твоея святыя: страждующий бо недугом пианства некий раб Божий Стефан, прибегая к Твоему Матернему предстательству, от тяжкаго недуга своего избавися, и благодаряще Тя, благолепными дары икону Твою украси, и припадающе к ней, со слезами возопи Тебе тако: Радуйся, живоносный источниче исцелений; радуйся, чаше Небесная Божественных дарований. Радуйся, реко исцелений приснотекущая; радуйся, море, вся наша страсти потопляющее. Радуйся, под тяжестью греха пианства падающих Матернима рукама Твоима возставляющая; радуйся, благодарственныя дары не отвергающая. Радуйся, сердца благочестивых людей возвеселяющая; радуйся, вся благая прошения наша исполняющая. Радуйся, Владычице, неупиваемая чаше, духовную жажду нашу утоляющая.

Кондак 8

Странно и сумнительно неверующим слышати, како икона Твоя святая «Неупиваемая Чаша» Божественных исцелений источает чудо. Мы же, верующе слову Твоему, Владычице, реченному к первописанней Твоей иконе: «Благодать рождшагося от Мене и Моя с сею иконою да будет», — веруем, яко и сия икона Твоя выну благодать источает. Темже благоговейно покланяющеся, лобызаем ю, вопиюще Богу: Аллилуиа.

Икос 8

Все упование людие, страждущии недугом пианства, на Тя, Владычице, возлагают. Приклонися к немощем и страстем нашим! Кто бо нас, грешных, изведет из рова погибели и нищеты духовныя и телесныя, аще не ты, Владычице? Сего ради, преклоньше колена пред Твоим пречистым образом, вопием Ти тако: Радуйся, моления грешников не отвергающая; радуйся, призывающим Тя Свою Небесную помощь низпосылающая. Радуйся, глубину милосердия Твоего грешным показующая; радуйся, отчаянных и безнадежных ободряющая. Радуйся, одержимым страстию пианства руку помощи простирающая; радуйся, терпеливых страдальцев благодатными дары утешающая. Радуйся, недуги наша, душевныя и телесныя, врачующая; радуйся, суетныя радости мира сего презирати нас научающая. Радуйся, Владычице, неупиваемая чаше, духовную жажду нашу утоляющая.

Кондак 9

 Всякое естество ангельское удивися делу Твоего милосердия, Господи, яко даровал еси грешному роду человеческому твердую заступницу и помощницу, к нашим немощем приклоняющуюся, и от горькаго недуга пианства свобождающую, верныя же научающую пети Богу: Аллилуиа.

Икос 9
Ветии человечестии недоумеют восхвалити по достоянию славное, Владычице, иконы Твоей явление. Ниже мы, грешнии, от скверных устен наших возможем принести достойное похваление заступнице нашей. Обаче неисчетная чудеса, иконою Твоею являемая, видевше, душею и сердцем радуяся, Тебе глаголем: Радуйся, от священнаго лика Твоего чудеса источающая; радуйся, от бед и скорбей скороизбавляющая. Радуйся, отвергающих Тя посрамляющая; радуйся, от всякаго зла прибегающих к Тебе сохраняющая. Радуйся, кротким сиянием Твоим мрак греха и мглу страстей наших разгоняющая; радуйся, души наша любовию к Тебе и Сыну Твоему исполняющая. Радуйся, на стезю покаяния нас премудре наставляющая; радуйся, добраго ответа пред Судиею праведным нам усердная Ходатаице. Радуйся, Владычице, неупиваемая чаше, духовную жажду нашу утоляющая.

Кондак 10

 Спасти хотящи люди многия, страждущия недугом пианства, чудную икону Твою, Богомати, даровала еси, да вси, одержимии сею страстию, к чудотворному образу Твоему притекают и, получивше исцеление, во умилении взывают Богу: Аллилуиа.

Икос 10

Стена еси и щит, Богомати, людем, болезнию пианства страждущим, и всем, усердно к Тебе притекающим и икону Твою святую благоговейно чтущим. Ибо сию дарова нам благих податель Господь в помощь и врачевство от губительныя страсти, и сим внушает нам пети Тебе: Радуйся, отчаянных Надеждо и печалей наших утоление; радуйся, болезней душевных и телесных исцеление. Радуйся, нашу скверну чистотою Твоею очищающая; радуйся, Своею благодатию наше недостоинство просвещающая. Радуйся, брение наше тленное в нетление облекающая; радуйся, моления наша Твоим предстательством подкрепляющая. Радуйся, в неможении нашем нас укрепляющая; радуйся, облежащий нас облак страстей скоро разгоняющая. Радуйся, Владычице, неупиваемая чаше, духовную жажду нашу утоляющая.

Кондак 11

 Пение наше смиренное, от полноты любве и усердия Тебе приносимое, не презри, чистая, и не отврати от отчаявшихся и страждущих недугом пианства лика Своего, но помози им и нам очиститися от всякия скверны греховныя, да возможем достойно и праведно пети Богу: Аллилуиа.

Икос 11

Светоприемную свещу зрим образ Твой святый, Пресвятая Дево, ибо лучами благодати Твоей мглу греховную прогоняет и на светлую стезю добродетелей наставляет с верою зовущих Ти таковая: Радуйся, заступлением Твоим от суеты мира сего многомятежнаго нас избавляющая; радуйся, приражения страстей плотских отражати нам помогающая. Радуйся, мысль благу на сердце наше полагающая; радуйся, нечистую совесть нашу просвещающая. Радуйся, от мучительнаго недуга пианства страждущих избавляющая; радуйся, к искреннему покаянию и вразумлению призывающая. Радуйся, злая сердца умягчающая; радуйся, на помощь Тя призывающих и имя Твоё славящих спасающая. Радуйся, Владычице, неупиваемая чаше, духовную жажду нашу утоляющая.

Кондак 12

 Благодать Божия, присущая иконе Твоей, «Неупиваемая Чаша» именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих недугом пианства, и не тщи отходят, Пречистая, от неупиваемыя чаши Твоих Божественных дарований, но неоскудно получающе цельбы от чудотворнаго образа Твоего, Всеблагая, благодарственно поют Богу: Аллилуиа.

Икос 12

 Поюще Твоя чудеса и велию милость, людем, одержимым страстию пианства, явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти: Радуйся, к воздержанию от греха пианства всех подвизающая; радуйся, от пристрастия к вину росою милости Твоей свобождающая. Радуйся, страждущих от тяжкаго греха пианства присное врачевание; радуйся, бедствующим в страстех скорая Помощнице. Радуйся, малодушных дивное ободрение; радуйся, благодушных велия радосте. Радуйся, гордых смиряющая; радуйся, смиренныя возвышающая и всем спасения желающая. Радуйся, Владычице, неупиваемая чаше, духовную жажду нашу утоляющая.

Кондак 13

 О Премилостивая Мати Сладчайшаго Господа нашего Иисуса Христа! Нынешнее наше услыши моление и избави нас от всех недугов душевных и телесных, наипаче же свободи страждущих недугом пианства рабов Твоих (имена), да не погибнут зле, но спасеннии Тобою присно вопиют Богу: Аллилуиа.

(Этот кондак читается трижды, затем 1-й икос и 1-й кондак.)

Молитва

 О Премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и исцели тяжким недугом пианства одержимых, и того ради от матере своей, Церкви Христовой, и спасения отпадающих братьев и сестер и сродников наших. О Милостивая Мати Божия, коснися сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадех своих слёзы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко Престолу Всевышняго. Покрый и соблюди нас от лукаваго ловления и всех козней вражиих, в страшный же час исхода нашего помози проити непреткновенно воздушная мытарства, молитвами Твоими избави нас вечнаго осуждения, да покрыет нас милость Божия в нескончаемые веки веков. Аминь.

Об иконе Божией Матери "Неупиваемая Чаша"

 Явление этого чудотворного образа произошло в 1878 году Крестьянин Ефремовского уезда Тульской губернии, отставной солдат, был одержим страстью пьянства. Пропивая все, что имел, он вскоре обнищал. От пьянства у него отнялись ноги, но он продолжал пить.
 Однажды во сне ему явился старец и приказал идти в город Серпухов в монастырь Владычицы Богородицы, где находится икона Божией Матери «Неупиваемая Чаша», и отслужить перед ней молебен.
 Без денег, не владея ногами, крестьянин не рискнул отправиться в путь. Но святой старец явился ему во второй, а потом и в третий раз и грозно приказал исполнить повеление.
И тогда солдат отправился в монастырь на четвереньках.
 В одном селении он остановился отдохнуть. Чтобы облегчить боль, старушка-хозяйка растерла ему ноги и уложила па печь. На следующий день ему стало легче. Опираясь сначала на две, а потом на одну палку, он дошел до Серпухова.
 Придя в монастырь и рассказав о своих сновидениях, страждущий просил отслужить молебен. Но никто в монастыре не знал иконы Божией Матери с таким наименованием. Тогда подумали: не та ли это икона, что висит в проходе из храма в ризницу? На оборотной стороне ее действительно увидели надпись: «Неупиваемая Чаша». В лике ученика святителя Алексия — преподобного Варлаама — недугующий крестьянин сразу же узнал являвшегося ему во сне старца.
 Из Серпухова крестьянин возвращался домой здоровым. Весть о чудном прославлении иконы Божией Матери быстро распространилась по России. Одержимые страстью пьянства, их родные и близкие спешили вознести молитвы к Богоматери об исцелении от недуга, а многие приходили, чтобы уже отблагодарить Владычицу за Ее великую милость.
 По иконографии эта икона относится к типу одного из древнейших изображений Божией Матери — «Оранта», только Богомладенец написан стоящим в Чаше. Чаша с благословляющим Богомладенцем — это Чаша причащения, источающая приступающим к ней с верою все благословения, дарованные грешному роду человеческому искупительным подвигом Господа нашего Иисуса Христа. Эта Чаша действительно Неупиваемая, или неиспиваемая, потому что Агнец ее «всегда ядомый и никогда же иждиваемый». А Матерь Божия с воздетыми вверх пречистыми руками, как могучий первосвященник, ходатайственно возносит Богу эту Жертву — Своего закланного Сына, заимствовавшего плоть и кровь от Ее пречистых кровей, в пренебесный Жертвенник за спасение всего мира, и предлагает в снедь верным. Она молится за всех грешников, всем хочет спасения, вместо низких губительных пристрастий призывает к неистощимому источнику духовной радости и утешения. Она возвещает, что Неупиваемая Чаша небесной помощи и милосердия уготована каждому нуждающемуся.
 Празднование иконе Божией Матери «Неупиваемая Чаша» совершается 5/18 мая.
 И сейчас в возрожденном Серпуховском Высоцком монастыре каждое воскресенье по окончании Божественной литургии совершается молебен с акафистом пред иконой Божией Матери «Неупиваемая Чаша», за которым поминаются имена тех, кто страдает пристрастием к винопитию и нуждается в благодатной помощи Пречистой Владычицы. Акафисты пред этой иконой читают также во многих храмах России.

О нашей молитве за страждующего

 Можно посоветовать (с благословения священника) читать один или два акафиста, (см.рубрики), в течение сорока дней (число сорок — условное; это может быть и тридцать, и пятьдесят дней).
 Затем в течение сорока дней можно читать Псалтирь. После каждой «Славы» просите у Бога, чтобы ваш близкий, страдающий недугом пьянства или наркомании, просветился умом и сердцем, отстал от губящей его страсти, получил умиротворение и покой.
 Просите об этом своими словами или молитвой, составленной святым праведным Иоанном Кронштадтским:
 «Господи, призри милостиво на раба Твоего (имя), прельщенного лестью чрева и плотского веселия. Даруй ему (имя) познать сладость воздержания в посте и проистекающих от него плодов Духа. Аминь».
 Псалтирь надо читать по одной кафизме в день, прочитав всю Псалтирь до конца.
 Некоторые из священников советуют заказывать молебны ко Пресвятой Богородице пред Ее иконою «Взыскание погибших», преподобному Паисию Великому и своему святому. В записке надо кроме имени страждущего пороками пьянства указать также имена тех, кто подает записки.
 Если это возможно, пусть в этом вашем молитвенном предстоянии Господу участвует хоть в какой-то мере и ваш болящий.
 И последнее. Не соглашайтесь с лукавыми советами вылечить вашего ближнего методом кодирования. Это лечение оккультное, губительное для души и тела, для будущей жизни. Человек на время может потерять влечение к алкоголю и наркотикам, это верно. Но какой ценой? Бесам (к силе которых по сущности обращен метод кодирования) не важно уже после кодирования, пьет человек или нет, важно, что он их. «Код», кстати, по-латыни означает «начертание». Естественным следствием кодирования являются депрессии, страхи, тревожность. Даже самый благонамеренный врач не может взять на себя грехи больного, даровать ему праведность (бесстрастие), а уж тем более отогнать демонов.
 Помните мудрые слова преподобного Варсонофия Великого: «Если человек сам не потрудился по силе своей и не присоединил собственного труда к молитвам святых, то никакой не получит пользы от того, что святые будут за него молиться».
 Итак, в скорбях о ваших близких не отчаивайтесь — от скорби происходит терпение, от терпения опытность, от опытности надежда, а надежда не постыжает (Рим.5,3-5).
 Кто разумно служит больным, тот освобождается и от страстей, и от браней (авва Дорофей).

К истокам страсти

Если ваши отношения со страждущим близкие и искренние, то вы, несомненно, уже давно знаете (или догадываетесь) о побудительных мотивах его погружения в пучину страсти. Болящий и сам прекрасно может их сознавать, зачастую даже выставлять их в разговоре в качестве самооправдания.
 Назовем некоторые их этих побуждений:
—    Не найден или утерян смысл самой жизни («Жизнь абсурдна. Есть только смерть, одиночество, страх. Все бессмысленно. Если и есть истина, то она в вине, в наркотиках»).
—    Разочарование в самом себе («Годы ушли, а я так и не реализовал себя. Что толку теперь к чему-то стремиться»).
—    Семейные невзгоды: непонимание друг друга, супружеская неверность, бесплодие одного из супругов, развод, гибель дорогого человека.
—    Неблагоприятное окружение, где все пьют или принимают наркотики («Меня засмеют», «Я не белая ворона»).
Долговременное пребывание в экстремальных ситуациях (война, заключение).
 Нельзя перечислить все мотивы, да в этом и нет нужды. Важно понять, что все они имеют духовную первопричину. Это необходимо уяснить, чтобы успешно противостоять страсти. При духовном лечении средства помощи также должны быть духовными.
 Это прежде всего относится к наркоманам. Принимающему наркотики следует знать, что он не просто «кайфует», а восхищает (крадет) и потому платит такой горькой и страшной ценой — быстрым саморазрушением. Ищите же прежде Царства Божия и правды Его, и это все приложится вам, — призывает Христос в Евангелии (Мф.6,33). И это Царствие Божие внутрь вас есть (Лк.17,21). Царство Божие зрят только чистые сердцем (см.Мф.5,8). Чистота сердца достигается тяжелым целожизненным трудом, подвигом очищения от страстности во славу Божию и с помощью Божией — Царство небесное силою берется (Мф.11,12). Ничто же скверное не войдет в это Царство, и потому не может человек, не победивший свою страстность и не очистивший себя от скверны греховности, иметь те блаженные состояния, о которых сказано: не видел того глаз, не слышало ухо, и не приходило то на сердце человеку, что приготовил Бог любящим Его (1Кор.2,9).
 Невозможно человеку, подверженному таким, например, грехам, как гордость, блуд, сребролюбие, зависть, осуждение, ложь, иметь благодатные (от Бога) видения и ощущения. Он может их только украсть. Этим и занимались всегда колдуны, маги, чародеи, используя наркотические вещества для впадения в транс, для общения с демонами. Поэтому «поход за горизонт» в «розовый мир» — это вызов Богу, нарушение духовных законов. И потому плата столь высока — гибель души. При наркомании речь должна идти не просто о биохимической зависимости организма от наркотика, но о почти полной порабощенности человека бесами. Без помощи Божией, без Церкви, без духовных средств достигнуть в этих случаях исцеления невозможно. И страждущему нужно хорошо понимать, что предстоит длительная изнуряющая борьба. Утешением, может быть, является то, что и каждому христианину всю свою жизнь приходится бороться с грехом.
 Конечно, если человек, за которого вы боретесь, верующий, молится сам, просит ваших молитв, ходит в церковь — то это самая благоприятная для выздоровления ситуация.
 Но чаще мы имеем дело с человеком, у которого отсутствует духовный взгляд на мир. Это тем не менее не должно приводить нас в уныние — «Сила Божия в немощи совершается». Нужно время для возрастания в духе, накопления духовных сил. Будьте внимательны к проявлению Промысла Божия в жизни болящего. В беседах с ним постарайтесь указать на конкретные примеры явления милости Божией к нему. Хорошо, если вы укажете вашему близкому на то, как вразумляет его Господь, когда тот нарушает духовные законы.
 Если ваш болящий не видит смысла жизни, ему был бы полезен разговор со священником или кем-либо из духовно опытных людей. Не забудьте про назидательные книги. Хотя, конечно, самое действенное — это наш образ жизни. Если лик наш ясен, никакие житейские бури не сдвигают нас с камня веры, если в любых обстоятельствах мы благодушны, кротки, приветливы — это, безусловно, самое сильное средство для приведения человека к вере и духовной жизни.
 Обычно человек пьющий или пристрастившийся к наркотикам лжет всем окружающим. Лжет он и самому себе. Попытайтесь привести его к серьезному взгляду на самого себя. Это решит немало проблем: окажутся виноватыми не жена и не теща, не начальники и друзья, а он сам. Увидеть свою нищету душевную и духовную (не впав при этом в уныние) — значит положить начало духовной жизни. Именно тогда из груди вырывается: «Господи, помилуй меня! Господи, помоги!». Без этого бесполезно говорить о работе над собой, о самолишениях, о духовном движении (подвиге).
 В самом начале духовной жизни большое значение имеет окружение, среда, круг общения. Святоотеческий совет: «Бежать мест, где проходил грех» — особенно важен для тех, кто борется со своим влечением к наркотикам. Возможно, нужно будет даже сменить район проживания, место учебы. Иногда один только запах, услышанная знакомая по дискотеке рок-композиция могут все возвратить на круги своя — вновь ввергнуть в омут. Надо ли говорить, что, не оставив прежних знакомых, борющийся рискует в любой момент оказаться побежденным.
 Поговорите с приходским священником на эту тему. Известны случаи, когда очень благотворно действовало на болящих их послушание на черновых работах в каком-либо храме, приходе. Там есть присмотр священника. И окружение там, естественно, иное. Для отсечения гордыни, для навыкания слушать Бога, а не сатану, для воздержания — здесь подходящее место.
 Иногда родственники болящего стремятся отправить его на послушание в монастырь в качестве трудника, паломника. Если вы все же решились на это, то к выбору монастыря отнестись надо очень внимательно и выбирать те обители, где трудники живут по строгим правилам. Хорошо, если вашего болящего будет сопровождать, постоянно находясь рядом, духовно опытный человек.
 Заметим, что и самим родным болящего надо будет измениться, если вы хотите со-работать духовно. Вот мудрые советы, которые дает в письме своей духовной дочери игумен Никон (Воробьев): «Если он пьет, то его надо пожалеть. Он уже раб своей страсти.
Один, своей силой избавиться он не может. Ты же вместо помощи только осуждаешь его, требуешь от него того, что он пока дать не может. Ты себя считаешь правою, но очень ошибаешься. Если ты духовнее его, то твоя обязанность понести его немощи. Вы, сильные, немощи немощных несите, — вот что требует от тебя Господь. Еще сказал: Вы, духовнии, исправляйте такового духом кротости. Слышишь? Духом кротости исправляйте, а не руганью, упреками, ссорой, самооправданием и т. п. Ты не должна требовать от него здоровья, когда он болен, а должна оказывать снисхождение его немощи. Не должна ругать, когда он пьян, а молчать, чтобы не вызвать на что-либо худшее. И в трезвом состоянии ты должна не пилить его, а совместно осудить с ним, как вам быть, чтобы общими усилиями победить его слабость...».
 По собственному опыту вам, верно, известно, как важны в духовном делании слова ободрения. И эти слова для страждущего всегда должны быть у вас готовы.
 Конечно, чудеса Божии возможны. Но Господа невозможно понудить на чудо, а сами себя понуждать на труд мы обязаны. Господь, желающий всем спастись, знает Сам, когда явить Свое милосердие Своим рабам, вопиющим к Нему. «Не устрашайся, — пишет преподобный Иоанн Лествичник, — хотя бы ты падал каждый день, и не отходи от путей Божиих. Стой мужественно, и Ангел, тебя сохраняющий, почтит твое терпение».
 Известно, что «каждое сопротивление страсти ослабляет ее» (святитель Игнатий Брянчанинов).
 Конечно, безотрадно бывает на душе, когда ваши усилия тщетны. Вновь и вновь вы заказываете молебны, акафисты за болящего в церкви, сами не сходите с молитвы дома, терпите ад в доме, а ваш болящий, как вам кажется, по-прежнему невменяем. И все же: помните, что вы делаете дело, Богом благословленное, а результат принадлежит Господу.

 И не упрощайте: вы взялись за труд крайне сложный. Вы соработаете Богу по спасению души, личности. А личность эта (если взять последние стадии алкогольной и наркотической зависимости) может быть уже в распаде, под сильнейшим демоническим воздействием. Демоны же не терпят молитвы, святыни. Поэтому так трудно бывает порой получить согласие болящего на причащение Святых Тайн, так как причастие — это самое «великое и всесильное оружие в борьбе» (святой праведный Иоанн Кронштадтский). Пусть вас не покидает вера, что придет время, когда вы сможете сказать: сын мой был мертв и ожил, пропадал и нашелся (Лк.15,24).

Да воскреснет Бог и расточатся врази Его


Пастух и пастырь  (Протоиерей Андрей Ткачев)
 

То, что святитель Спиридон не похож на остальных святителей, становится понятно даже после первого взгляда на его икону. Древние святители чаще всего изображаются с непокрытой головой. Таков Златоуст, таков Василий Великий и многие другие.

Святители поздних эпох кроме привычного архиерейского облачения имеют на голове митры. Митрой украшен Феодосий Черниговский, Тихон Задонский, Иоасаф Белгородский. Перечислять можно долго. А вот
Спиридон, современник Николая Чудотворца, не простоволос, но и не в митре. У него на голове — шапочка из овечьей шерсти. Пастухом долгие годы был этот удивительный муж, а когда воля Божия привела его на епископскую кафедру, чтобы пасти словесных овец Христовых, то образ жизни Спиридон не поменял. Крестьянская еда, воздержность в быту, доходящая до бедности, пастушеская шапка — всё это так не похоже на признаки святительского сана. Зато внутренние богатства благодати, которые носил в себе Спиридон, заставляли современников вспоминать имена пророков Илии и Елисея.

IV век, век жизни святителя, был тем временем, когда успокоившаяся от внешних гонений Церковь стала терзаться внутренними болезнями. Ложные учения, ереси стали тревожить умы верующих людей. Эпоха требовала богословского подвига и защиты апостольской веры на отточенном языке философских понятий.
Спиридон менее всего подходил для этого. Он был молитвенником, подвижником, праведником, но никак не книжником и не оратором. Однако святой пошёл на Никейский Собор, созванный императором Константином по поводу учения александрийского пресвитера Ария.

Ересь Ария поколебала вселенную. Этот священник дерзнул учить, что Христос не Бог, что Он не равен Отцу и было время, когда Сына Божия не было. Те, кто носил Христа в сердце, содрогнулись, услышав такие слова. Но те, кто ещё не победил свою греховность и кто слишком доверял своему разуму и логике, подхватили Ариево кощунство. Таковых было много. Украшенные внешним знанием, кичливые и говорливые, эти философы страстно доказывали свои мнения. И
Спиридон решил вступиться за Истину. Отцы Собора знали, что этот епископ в пастушеской шапке свят, но не искусен в слове. Они удерживали его, опасаясь поражения в диспутах. Но Спиридон совершил нечто неожиданное. Он взял в руки кирпич и, сотворив молитву, сжал его в руках. Слава Тебе, Христе Боже! В руках святого старца вспыхнул огонь, потекла вода и осталась мокрая глина. Кирпич, силою Божией, разложился на свои составные части.

«Смотри, философ, — сказал с дерзновением
Спиридон защитнику арианства, — плинфа (кирпич) одна, но в ней — три: глина, огонь и вода. Так и Бог наш един, но три Лица в Нём: Отец, Слово и Дух». Против таких доводов должна была умолкнуть земная мудрость.

Это не единственное чудо святителя, и мы не случайно упомянули ранее имена Илии и Елисея. Великие пророки Израиля всем сердцем служили Богу, и Бог совершал через них удивительные чудеса. Мёртвые воскресали, прокажённые очищались, Иордан разделялся надвое, небо заключалось на годы и отказывалось проливать дождь. Казалось, что Свою власть над сотворённым миром Господь временами отдавал Своим избранникам. Третья и четвёртая Книги Царств подробно рассказывают об этих чудотворцах.

Спиридон был подобен им. Киприоты-земледельцы были счастливы, имея такого архиерея, поскольку небо слушалось святого. В случае засухи молитвы Спиридона приклоняли Бога на милость, и долгожданный дождь поил землю.

Подобно Елисею, который проверил наличие на себе духа Илии, разделив воды Иордана (4 Цар. 2, 14), и святитель повелевал водной стихией. Он шёл однажды в город, чтобы вступиться за несправедливо обвинённого знакомого, и разлившийся ручей угрожал преградить ему дорогу. Святой запретил воде именем Божиим и продолжил путь.

Неоднократно смерть отдавала свою добычу, и по молитвам святого воскресали мёртвые.

Нужно заметить, что житие святителя
Спиридона известно нам не полностью, но лишь в небольших фрагментах. И даже то малое, что известно, поражает могуществом силы и славы Божией, действовавшей через этого человека.

Знакомство со святыми и со всем тем сверхъестественным, что было в их жизни, является пробным камнем для человеческого сердца. Очевидно, мы не можем повторить жизнь великих угодников. Но радость о том, что такие люди есть, и вера в то, что описанные чудеса действительны, говорит о том, что мы с ними одного духа. Пусть они, эти святые люди, полны, как море, а мы — как напёрсток, но и в нас, и в них одна и та же живая вода. Если же человек скептичен к слышанному, то вряд ли в его сердце живёт вера в Того, для Кого нет ничего невозможного.

Илия и Елисей — великие святые, но не их именем назывались израильтяне. Отец народа и одновременно отец всех верующих — Авраам. Это его непостижимая преданность Богу стала основой всей последующей священной истории. Одной из главных черт, характеризующих Авраама, было милосердие и странноприимство. Когда мы говорим о
Спиридоне, мы всегда вспоминаем праотца, поскольку любовью к нищим и странникам святитель вполне ему уподобился.

Любовь к людям выше чудес. Тот, кто может открывать нуждающимся вместе с сердцем и кошелёк, и двери дома, тот — настоящий чудотворец. Бoльших чудес не надо. А если они и будут, то только при наличии главного чуда — человеколюбия.

Дом
Спиридона Тримифунтского не закрывался для странников. Из его кладовой любой бедняк мог взять в долг любое количество пищи. Возвращал долг бедняк когда мог. Никто не стоял рядом и не контролировал количество взятого и возвращённого.

Вместе с тем, жестокие и корыстолюбивые люди в лице
Спиридона встречались как бы с Самим Богом, страшным в Своей справедливости. Житие описывает несколько случаев, когда святой наказывал и посрамлял купцов, не стыдившихся наживаться на чужой беде.

Бывает, что человеку нужен не столько Небесный Отец, сколько Небесный «Дедушка», снисходительный к ошибкам и позволяющий порезвиться. Так, современника
Спиридона, Николая Чудотворца, с течением веков переодели в Деда Мороза и приспособили к разносу подарков. А ведь Николай не только тайком подарки раздавал. Временами он мог употребить к дерзким грешникам и власть, и силу. Так было при земной жизни. Так продолжается и сейчас, когда души праведных созерцают Христову Славу.

Спиридон добр, как Николай, и как Николай — строг. Одно не бывает без другого. Умеющий любить правду умеет и ненавидеть ложь. Человек неправедно гонимый, человек, чувствующий слабость и беззащитность, в лице Спиридона может найти сильного защитника и скорого помощника. Только пусть сам человек, просящий помощи, не будет несправедлив к ближним, поскольку у святых Божиих нет лицеприятия.

Среди тех радостей, которые дарит человеку христианская вера, есть радость обретения чувства семьи. Верующий никогда не бывает одинок. Вокруг него всегда — облако свидетелей (Евр. 12, 1). Жившие в разные эпохи и в разных местах люди, достигшие Небесного Иерусалима, составляют ныне церковь первенцев, написанных на Небесах (Евр. 12, 23). С любовью наблюдают они за нами, всегда готовые, в ответ на просьбу, прийти на помощь.

Один из них — святитель
Спиридон, радость киприотов, керкирская похвала, Вселенской Церкви драгоценное украшение.

 

(О св. Спиридоне Тримифунтском)